World Federation of People Management Associations (WFPMA) insan resurslarının idarə edilməsi və people management sahəsində fəaliyyət göstərən peşəkar təşkilatları birləşdirən qlobal federasiyadır. 1976-cı ildə təsis edilən WFPMA müxtəlif regionların HR assosiasiyalarını bir araya gətirərək beynəlxalq əməkdaşlığın, bilik və təcrübə mübadiləsinin və HR peşəsinin inkişafının dəstəklənməsinə xidmət edir. Federasiya 95-dən çox milli people management assosiasiyasını və təxminən 600 000 HR peşəkarını təmsil edir.

WFPMA-nın əsas fəaliyyət istiqamətləri qlobal HR şəbəkəsinin inkişaf etdirilməsi, qabaqcıl təcrübələrin və tədqiqat nəticələrinin paylaşılması, beynəlxalq peşəkar əlaqələrin gücləndirilməsi və insan resurslarının idarə edilməsi sahəsində müasir yanaşmaların təşviq edilməsidir. Federasiya həmçinin iki ildən bir keçirilən World HR Congress və müxtəlif beynəlxalq tədqiqat və təşəbbüslər vasitəsilə qlobal HR icmasının inkişafına töhfə verir.

Azərbaycan HR İnstitutu WFPMA-nın üzvlük strukturunda European Association for People Management (EAPM) vasitəsilə təmsil olunur və WFPMA-nın Azərbaycan üzrə rəsmi üzv təşkilatı kimi qeyd edilir. Bu əməkdaşlıq Azərbaycan HR mütəxəssislərinin beynəlxalq peşəkar şəbəkəyə inteqrasiyasına, qlobal təcrübə və bilik mübadiləsinin genişləndirilməsinə və Azərbaycanın HR sahəsində beynəlxalq təmsilçiliyinin gücləndirilməsinə imkan yaradır.

Azərbaycan HR İnstitutu və WFPMA əməkdaşlığı ölkənin insan resursları sahəsinin beynəlxalq HR icması ilə əlaqələrinin inkişafına və Azərbaycan HR ekosisteminin qlobal müstəvidə daha geniş təmsil olunmasına xidmət edir.

Rəsmi üzvlük səhifəsinə buradan daxil ola bilərsiniz.