ADA Employability Week

Tədbir haqqında

Azərbaycan HR İnstitutu ölkəmizdə insan kapitalının inkişafı, gənc nəslin praktiki bilik və bacarıqlarının artırılması istiqamətində növbəti layihədə uğurla təmsil olunmuşdur. Belə ki, 18-27 aprel 2022-ci il tarixlərində “ADA” Universitetində təşkil olunan “Məşğulluq həftəsində” (Employability Week) Azərbaycan HR İnstitutu tərəfdaş qismində çıxış edib.

Azərbaycan HR İnstitutu tərəfindən ADA “Məşğulluq həftəsi” çərçivəsində aşağıdakı fəaliyyət istiqamətləri üzrə silsilə təlim və seminarlar keçirilmişdir:

Emosional zəka və onun rolu;
Sahə (sənaye) anlayışları;
Müsahibə bacarıqlarının təkmilləşdirilməsi;
Müvəffəqiyyət üçün bacarıqların artırılması və iş etikası;
Sahibkarlıq və innovasiya;
Şəxsi brendinq və rəqəmsal şəbəkə.

Tədbirin konsepti

Təlimlərin məqsədi karyera tendensiyaları ilə bağlı “ADA” Universitetinin 2-4-cü kurs və magistratura tələbələri arasında məlumatlılığı artırmaq və tələbələrlə potensial işəgötürənlər arasında əlaqə yaratmaq, o cümlədən spesifik fəaliyyət sahələri ilə əlaqədar zəruri texniki biliklər barədə iştirakçıları məlumatlandırmaqdan ibarət olub.

Məşğulluq həftəsinin yekununda təlimlərdə iştirak etmiş tələbələrlə qiymətləndirmə sessiyası keçirilib və qiymətləndirmə nəticəsində ən yüksək nəticə göstərmiş 4 ADA Universitetinin tələbəsi Azərbaycan HR İnstitutunda 2 aylıq insan resursları üzrə təcrübə proqramında iştirak etmişdir. Azərbaycan HR İnstitutu’nun "HR təcrübə" proqramının məqsədi insan resursları üzrə karyera qurmaq istəyən gənclər və universitet məzunlarına müasir insan resurslarının idarəedilməsi üzrə ilkin praktik bilik və bacarıqların öyrədilməsi və onların gələcək karyera inkişafına dəstək olmaqdır.

Qalereya