info@hrinstitute.az
+994 51 588 31 99
Rusel Plaza, Babek avenue 10E, Baku AZ1025.
“World HR Summit 2026” Azərbaycan HR İnstitutunun təşkilatçılığı, Dünya İnsan Resursları Assosiasiyaları Federasiyasının (WFPMA) dəstəyi, LinkedIn-in əsas tərəfdaşlığı, BEOC və Neosis Consulting şirkətlərinin qızıl sponsorluğu, Idenfit şirkətinin gümüş sponsorluğu və PAŞA Life şirkətinin sığorta tərəfdaşlığı ilə 1 may 2026-cı il tarixində Fairmont Baku, Flame Towers-də keçirilib.
İlk dəfə Azərbaycan HR İnstitutu tərəfindən təşkil olunan “World HR Summit 2026” 50 ölkə və 5 qitədən 500-dən çox HR liderini, CEO-ları, sahibkarları, dövlət nümayəndələrini və C-level peşəkarları bir araya gətirib. Sammitin əsas mövzusu “Creating Value Together” olub. Tədbir insan resursları sahəsində yeni yanaşmaların, qabaqcıl innovasiya və texnologiyaların təqdim olunmasına, eləcə də müxtəlif beynəlxalq təcrübələrin dialoq, müzakirə və fikir mübadiləsi vasitəsilə paylaşılmasına həsr olunub.
Azərbaycan HR İnstitutunun təsisçisi və direktoru Emil Hüseynov bildirib ki, “World HR Summit 2026” Azərbaycan Respublikasının Prezidenti cənab İlham Əliyevin 2 fevral 2021-ci il tarixli Sərəncamı ilə təsdiq edilmiş “Azərbaycan 2030: sosial-iqtisadi inkişafa dair Milli Prioritetlər” çərçivəsində müəyyənləşdirilmiş “Rəqabətli insan kapitalı və müasir innovasiyalar” prioritetini əsas götürərək, insan kapitalının inkişafı, müasir HR yanaşmaları, texnologiya və innovasiyaların tətbiqi üzrə beynəlxalq təcrübələrin paylaşılmasını hədəfləyən qlobal tədbirdir.
Sammit çərçivəsində yerli və beynəlxalq təşkilatların insan resursları üzrə rəhbərləri, dünyanın aparıcı HR assosiasiyalarının nümayəndələri, dövlət qurumlarının vəzifəli şəxsləri və digər C-level peşəkarlar insan resurslarının idarə olunmasında qlobal trendlər, yeni çağırışlar və gələcək perspektivlər ətrafında fikir mübadiləsi aparıblar.
Tədbirin proqramında “Global Trends in HR Management & New Challenges”, “People-Centered Leadership & Lifelong Growth” və “AI & HR Leadership: Bridging Technology and Humanity” mövzularında panel müzakirələri keçirilib. İştirakçılar rəqəmsal HR, süni intellekt, liderlik, öyrənmə və inkişaf, gələcəyin iş mühiti və müasir HR strategiyaları ilə bağlı yeni yanaşmalar və beynəlxalq təcrübələrlə tanış olublar.
Sammit çərçivəsində həmçinin “World HR Excellence Awards” mükafatlandırma mərasimi keçirilib. Mükafatlar HR sahəsində innovasiya, liderlik və yüksək nailiyyətləri ilə seçilən fərdlərin və təşkilatların əməyinin tanınmasına və təqdir edilməsinə yönəlib.
Qeyd edək ki, Azərbaycan HR İnstitutu tərəfindən “Baku International CEO Summit 2022”, “Global HR Summit 2023”, “World HR Summit 2024”, “COP29 Human Capital Forum”, “International HR Summit 2025” və digər nüfuzlu tədbirlər uğurla həyata keçirilib. Bu tədbirlər HR liderlərini, biznes nümayəndələrini və beynəlxalq ekspertləri bir araya gətirərək insan resurslarının gələcəyinə dair fikir və təcrübə mübadiləsi üçün imkan yaradıb.
Ətraflı məlumatı HRnews.az rəsmi saytından əldə edə bilərsiniz.
