info@hrinstitute.az
+994 51 588 31 99
Rusel Plaza, Babek avenue 10E, Baku AZ1025.
Bakı Biznes Universitetinin koordinatorluğu ilə Avropa Komissiyasının maliyyələşdirdiyi “Azərbaycanda Rektorlar Konfransının yaradılması” (ECAR) adlı Erasmus+ layihəsi çərçivəsində Azərbaycan HR İnstitutu tərəfindən 16 Ali təhsil müəssisəsi üzrə "Strateji insan resurslarının idarə olunması" tədris proqramının bağlanış mərasimi keçirilmişdir.
1. Bakı Biznes Universiteti
2. Azərbaycan Turizm və Menecment Universiteti
3. Azərbaycan Dövlət Gömrük Komitəsinin Akademiyası
4. Bakı Ali Neft Məktəbi
5. Bakı Avrasiya Universiteti
6. Xəzər Universiteti
7. Azərbaycan Dillər Universiteti
8. Azərbaycan Dövlət Mədəniyyət və İncəsənət Universiteti
9. Naxçıvan Universiteti
10. Azərbaycan Dövlət Pedaqoji Universiteti
11. Azərbaycan Texniki Universiteti
12. Azərbaycan Universiteti
13. Odlar Yurdu Universiteti
14. Lənkəran Dövlət Universiteti
15. Bakı Mühəndislik Universiteti
16. Azərbaycan Texnologiya Universiteti
Bakı Biznes Universitetinin ev sahibliyi ilə baş tutan tədbirdə Universitetin rektoru Prof. İbad Abbasov hazırda idarəetmənin mühüm halqalarından birinin insan resursları olduğunu bildirdi. O, bu istiqamətdə Azərbaycan HR İnstitutunun fəaliyyətini yüksək qiymətləndirdiyini bildirdi, Ali təhsil müəssisələrinin insan resursları nümayəndələrini təbrik edərək, onlara gələcək fəaliyyətlərində uğurlar arzu etdi.
Daha sonra ECAR layihəsinin koordinatoru, Bakı Biznes Universitetinin Universitet-sənaye əməkdaşlığı şöbəsinin müdiri Gülşən Bayramova çıxış edərək ECAR layihəsinin əsas məqsədlərindən birinin Ali təhsil Müəssisələrinin idarəetmə bacarıqlarının inkişafı olduğunu nəzərə alaraq İnsan resurslarına dair təlimlərin təşkilinə xüsusi önəm verildiyini vurğuladı.
Azərbaycan HR İnstitutunun təsisçisi və direktoru Emil Hüseynov ölkəmizdə insan kapitalının inkişafı, ali təhsildə idarəetmənin təkmilləşdirilməsi, strateji insan resurslarının idarəedilməsi və bu istiqamətdə innovativ yanaşmaların vacibliyini bildirdi.
Azərbaycan HR İnstitutunun peşəkar təlimçisi Fəzilə Əsgərova tərəfindən uğurla keçirilən "Strateji insan resurslarının idarə olunması” tədris proqramı toplam 6 modul (İstedadların cəlb olunması, HR əməliyyatlar, Öyrənmə və İnkişaf, İstedadların idarə olunması, Ölçmə və Analitika, Biznes Liderlik) olmaqla təşkil olunmuşdur.
Azərbaycan HR İnstitutu tərəfindən həyata keçirilən bu tədris proqramının məqsədi ali təhsil müəssisələrində insan resursları idarəedilməsinin təkmilləşdirilməsidir.
Biz birlikdə daha güclüyük!
